有冇發現，市面上愈來愈多狗狗造型嘅設計？原因好簡單，因為嚟緊就係狗年。老實講，唔係隻隻狗狗都好得意，但尖沙咀海港城全新推出「Puppy New Year」限量版利是封同利事袋套裝，好打耳呀！
今年，海港城繼續同「Communion W」合作，設計出唔同品種小狗嘅形態同特徵，寓意不同祝福，包括八哥犬 （大展拳腳）、臘腸狗（長長久久）、史納莎（十全十美）、小柴犬（耳目一新）、比高犬（大吉大利）、貴婦狗（鴻運當頭）。
利是封有3大3細，顏色鮮明，每款左右深淺不一，開口位更加玩味十足，打開利是封後清楚見到狗狗樣，而每個利是封都有狗毛壓印同燙金鼻，好有新年嘅貴氣！
加埋今年限量版仿麂皮嘅利是袋，正面用唔同顏色幾何圖案拼合成狗狗樣，同埋果條金色拉鏈同紅色手挽帶，又型又簡約，帶住狗狗隨身過新年，正！
【海港城「Puppy New Year」限量版利是封套裝 - 換領詳情】
日期：2月9至15日
時間：中午12時至晚上10時
地點：海港城海洋中心三階 (近OC312號舖 – Leonidas)
換領方法：
於海港城任何商戶即日以電子貨幣(包括EPS、信用卡及八達通)消費滿HK$2,000或以上(最多於2間不同商戶消費、每張單據消費金額最少HK$200)，並:
1) 即場捐款HK$40予「香港血癌基金」，即可換領限量版利是封乙套 (每套均有18個利是封，共6款設計)。每人每日只限換領利是封乙套，數量有限，換完即止。
2) 即場捐款HK$150予「香港血癌基金」，即可換領限量版利是封乙套及利是袋乙個。每人每日只限換領利是封乙套及利是袋乙個，數量有限，換完即止。
