沖繩黑糖鮮奶咖啡
海鹽焦糖脆脆朱古力咖啡
2018年開始，慶幸總算有啲風，仲係秋冬，可以飲杯熱咖啡感受暖意。
新一年，Starbucks特別喺咖啡注入甜蜜元素，帶來全新沖繩黑糖鮮奶咖啡同載譽歸來嘅海鹽焦糖脆脆朱古力咖啡，配埋經典小食昇華，包括烤棉花糖朱古力流心蛋糕、核桃香蕉蛋糕磚配楓糖漿、鮮忌廉及法式多士，2018甜到漏呀！
烤棉花糖朱古力流心蛋糕
核桃香蕉蛋糕磚配楓糖漿
法式多士
「沖繩黑糖鮮奶咖啡」係今個冬季Starbucks破格推出嘅全新重點飲品，特選日本沖繩黑糖，味道醇甜濃厚，糅合黑糖嘅鮮奶咖啡面層蓋奶泡幼滑，黑糖醬焦香誘人；另一款就係溫暖Reboot嘅「海鹽焦糖脆脆朱古力咖啡」，上年出完大受好評，集鹹甜滋味於一身，頂層鮮忌廉加埋焦糖醬，最後仲灑上粒粒香脆朱古力，舌尖上嘅享受。
情人節系列
新春狗年系列
嚟緊好快就係新年同情人節，Starbucks仲出埋精選甜品禮盒、新春現金禮券套裝、新春狗年系列同埋情人節系列商品，送禮自奉大把嘢買呀。
各款冬日限定飲品同商品系列，今日起登陸全線香港同澳門Starbucks分店，美食亦喺香港分店有售。一齊去甜甜蜜蜜啦！
