相信香港人對葡萄牙藝術家Vhils都唔陌生，呢兩年定居香港嘅佢，不時都會公開表演鑿牆，又同其他Artists做下聯合展覽咁，今勻佢喺Over The Influence畫廊開個展，原來只係佢嘅第一次香港畫廊展覽，聽講亦係佢短期內離開香港之前嘅最後一次告別展覽！
Vhils最叻就係喺牆上鑿出人樣，仲要係一個個悲傷面孔，一睇就知啱晒近年香港人咁樣樣啦。今次展覽主題名為「待續」，大概就係講佢點樣「待續」，展出出一系列靈感源自香港，喺我城創作嘅最新藝術作品。
今次展出最新作品系列，運用各種各樣嘅原材料，例如喺街頭收集到廣告海報，以至城市景觀照片，仲用埋雕刻木門、酸蝕金屬板、發泡膠立體模型、手工雕刻廣告牌等等垃圾，姑且睇下佢點樣善用垃圾！至於點解好地地要離開香港，又真係現場睇下至知喇！
Vhils最新作品展「待續」
展覽日期：12月1日至2018年1月5日
開放時間：星期二至六，上午11時至下午7時
地點：中環荷李活道159號1樓Over The Influence畫廊
