單日賣1,000支雪糕，到底係咩玩法？K11百味堂就有呢個戰績，難怪成功由長龍Pop-Up店變為長駐店，而家正值試業期間，仲答謝大家，帶來3款抹茶新口味－－濟州抹茶牛奶雪糕、抹茶朱古力牛奶雪糕、抹茶鮮奶咖啡，繼續大排長龍啦！
貴為韓國大熱甜品店，百味堂牛奶雪糕由農場直送，以100%有機奶製成，實在好難抗拒，今次新增兩款雪糕：「濟州抹茶牛奶雪糕」用咗濟州新鮮抹茶醬，啖啖濟州甘甜味；「抹茶朱古力牛奶雪糕」以濟州抹茶醬加上由75%黑朱古力同新鮮忌廉煮成嘅朱古力醬，最後工匠削出一片片朱古力，味覺多重享受；最後飲多杯「抹茶鮮奶咖啡」，濟州抹茶加入100%有機奶，啖啖鮮味，欲罷不能！
