藝術嘅嘢，我識條街咩？冇錯，只要識星街，生活就有藝術。星街小區由即日起至11月1日，舉行為期兩星期嘅「Life is Art」藝術節，一連串活動等緊你，包括由MOViE MOViE策劃嘅得獎電影放映會、Kubrick舉辦嘅藝術展覽、創意工作坊同樂表演等，360度感受藝術。
就喺聖佛蘭士街15號，樓高3層嘅創作空間，地下有電影藝術裝置，仲有幾位藝術家即席創作「藝術現牆」，配合香港二人搖滾組合per se同唱作人黃靖嘅現場音樂表演，視聽同樣享受。
沿樓梯走上一樓，「星街上畫」展出一系列當代本土藝術作品，仲有星街小區Oolaa Petite嘅小食飲品。即場仲可以報名參加藝術節特設嘅西洋書法/版畫/紙膠帶拼貼工作坊。
創作空間頂層，MOViE MOViE放映多部得獎電影，包括《海報師：阮大勇的插畫藝術》、同志電影《遊園地》《不能愛》、法國動畫片《小王子》、金馬獎最佳紀錄片《看見台灣》，萬聖節特別呈獻放映《鬼上你的床》等等，當然唔少得放映之後嘅分享會，總有一樣藝術啱晒你。
【星街小區「Life is Art」藝術節】
日期：即日起至11月1日
網頁：goo.gl/t6sQuF / www.starstreet.com.hk
