經過一連串返一兩日又放一兩日嘅爽皮schedule之後，下個要大事慶祝嘅節日，唔係重陽節登高，而係有得玩但冇假放嘅萬聖節呀！Starbucks即日起南瓜到埗，推出一系列南瓜主題飲品同美食，等你預先慶祝Halloween！
首先介紹嘅，就係今日起供應嘅「南瓜批鮮奶咖啡」，今年載譽歸來，第一次全線香港澳門所有分店都有得賣，特濃咖啡配新鮮牛奶，有齊南瓜、肉桂、肉豆蔻多種香氣，加埋頂層鮮忌廉佈滿南瓜批香料，瓜味特濃！
當然坐南瓜車去Starbucks嘅，仲有「萬聖節烤南瓜鬆餅」同「南瓜撻」。鬆餅將香甜南瓜蓉、軟嫩南瓜粒同大量脆口南瓜籽鋪滿鬆餅；南瓜撻就將鬆化曲奇撻皮同香濃軟滑南瓜蓉完美結合，10月11日起於香港全線分店亮相。Trick or Treat？食咗先講啦！
