又係日本限定口味，又係要搶喇！Häagen-Dazs脆皮雪糕三文治向來超搶手，今次突發引入兩款日本限定口味：特濃咖啡同抺茶紅豆，有買襯手喇，買咗先諗食邊款先啦！
呢邊，特濃咖啡脆皮雪糕三文治，最外層朱古力威化，包住香濃咖啡脆皮，脆皮內雲呢嗱雪糕幼滑，仲加入濃郁Mascarpone意式軟芝士，仲仲仲有特選甘香醇厚嘅Espresso Macchiato咖啡醬，零舍醒神！
果邊，抺茶紅豆脆皮雪糕三文治，抹茶雪糕入口即溶，配有黑糖蜜嘅綿密紅豆蓉醬，抹茶溝紅豆，加埋抹茶脆皮同鬆脆威化外層，襯過羅密歐與茱麗葉呀！兩款期間限定口味，即日從日本抵港，只限7-11、日資超級市場有售，售完即止！
查詢：2629 6116
