話說，位處蘇豪區嘅Stazione Novella唔單止係coffee shop，仲係一間酒吧，最近佢哋將呢兩個元素溝埋嚟做咗杯全新「氮氣冷萃咖啡」，仲要喺生啤斟酒機斟出嚟，究竟係咩玩法？原來呢杯冰凍嘅氮氣咖啡，絕對唔簡單！要知道，平時啲凍咖啡係由熱咖啡冷卻而成，但呢杯就唔同喇，首先鮮磨咖啡豆經過一日一夜嘅冷萃（Cold Brew）後，再移到大桶注入氮氣，加壓成為冰凍咖啡。
可能你以為加氮氣只係懶型，事實上佢嘅真正用途，係令咖啡口感更滑溜，仲整咗啲好似啤酒泡嘅泡泡出嚟，帶出咖啡豆天然風味，亦散發出拖肥糖同蜜糖嘅甜味、莓果嘅酸味，就算唔加奶唔加糖（亦都盡量唔好加），都一樣夠晒味。加上冷萃技術所用嘅咖啡豆比例更高，味道更濃，更加提神。一杯飲過再一杯，飲啡未嫌yeah∼
Stazione Novella氮氣咖啡
地點：蘇豪區士丹頓街與鴨巴甸街交界
時間：上午7時半開始營業至深夜
售價：每杯HK$35（150毫升）
