室內露營，仲係咪「露」營？家陣沙田城市廣場就挑戰大家，帶嚟全香港第一次商場露營新體驗，打造「Let’s Go Glamping 夏日花木遊蹤」，由即日起至9月3日期間，室內室外都齊齊大露營。
室內，勁多位置都係「花見之營」，擺齊晒帳篷、樹屋、露營車，最矚目係Cath Kidston全港首個英倫碎花精品營，又有AIGLE法式波希米亞營，同埋Columbia綠野山系探索營。
室外，5樓平台花園變成「木作之營」，真正走出野外冇難度，仲會教你野外自煮樂、自製天然仙氣美景攝影秘技、營地小手作大改造等等，升級為戶外Glamping之旅！
當然，商場仲會食住個勢：大．減．價！喂，仲唔快啲去Shopping兼Glamping啦！
