1月24至27日於中環摩天輪下舉行嘅《Mart in Hong Kong》，係一個全新嘅年宵花市概念，希望為傳統加入新意思。行大運當然都要食餐好，米芝蓮街頭美食區，就集合咗全港多間米芝蓮推介人氣小食店，例如日日大排長龍嘅港式滷味「肥姐小食店」分店「第三代肥仔」；專賣暖笠笠中式糖水嘅「佳佳甜品」。
香港人一直好想有美食車，今次就會有3架美食車預先登場，包括「豪園小食」、「有得餃」及「樺得園」，有潮州美食、餃子同新式Burger！想試多國美食一樣大把選擇，日本雞肉協會為大家送上日本直送嘅岩手磐井炸雞、阿波尾照燒雞翼，香港暫時仍未有售，大家可以先試為快！又有曾獲《米芝蓮指南香港澳門》選為推薦食肆之一嘅型格泰菜Café Siam、地道德墨菜式代表Coyote Bar & Grill、愛爾蘭風味餐廳 McSorley’s Ale House、滿滿加勒比海風情古巴酒吧Havana Bar、以美式快餐車為靈感設計嘅Boomshack、推出腐乳熱狗及梅菜肉腸，本土玩味十足熱狗店Noodle and Dog、法式甜點 Canelé 專門店Le Canelé d'Or、豐人丸甜品、Africa Coffee + Tea、尚香、Mini Jobs、十八座狗仔粉等等。
最後一定要飲返杯，歐洲精品咖啡協會（SCAE）認可導師及世界冠軍級咖啡師譚富濤送上的真正好咖啡。如果想啤一啤，《Mart in Hong Kong》有喜力、虎牌及德國最大啤酒品牌及暢銷啤酒之一paulaner。另外仲有Chateau Soucherie法國蘇雪莉酒莊甜白酒、Beast Concept特調雞尾酒等等！總之真係飲飲食食愉都有！1月24至27日，中環摩天輪見啦！！！
