繼之前講過「美圖秀秀」App有《鬼怪》把劍可以俾大家任key，今日又轉咗風向，人人都變少女！原來因為「美圖秀秀」新增嘅「跨次元相機」，用咗手繪自拍效果，個個都變成手繪風美男美女，我要租套古裝襯返個effect～
「美圖秀秀」早前加入「跨次元相機」功能，可以將大家嘅相轉換成手繪風，即刻自拍同相簿入面嘅相都可以玩，目前呢個功能已經啟動超過8,838萬次！「跨次元相機」功能仲有6個濾鏡選擇，「天使之戀」會為大家配上一對藍色blink blink眼、「古典美人」微黃中帶點詩意、「童話萌主」擺到明賣cute、「櫻之少女」就有浪漫嘅滿天櫻花、「人魚眼淚」幫你加上美麗淚光、
「暗夜女爵」則會為你配上smoky eyes。全部效果都會美肌同大眼，連面都會幫你自動縮細，任選古典可愛浪漫暗黑，肯定有排玩！
