根據世界衛生組織（WHO）資料顯示，地表上的人類平均每人每年攝取6.2公升純酒精，而香港人則平均攝取2.62公升酒精，一年就可飲到高達1,618萬公升純酒精，由此可見，香港人真係好鍾意飲酒，就連唔識飲酒的吳幸美都要挑戰斷片酒。我們咁鍾意飲酒，你又知唔知其源遠流長的歷史？引述西方學者所講，最早出現於西方的酒是約1000萬年前的水果酒；而根據中國史書記載，中國酒最早出現於4100年前的夏禹時期，由當時的釀酒官儀狄所製，他亦被喻為是制酒之始祖。不過酒嚟講，小酌可以怡情，大酌可以亂性，所以真係唔可以飲到酒精入血，但如果你真係好酒成癮，以下介紹關於酒的東西正好能給你止止癮。
時尚篇
酒樽配飾
不少配飾品牌都愛以玩味十足的設計吸引世人，當中的佼佼者包括Moschino、Anya Hindmarch、Charlotte Olympia、Kate Spade、Yaz Bukey及Betsey Johnson等等，而當中的Charlotte Olympia、Kate Spade及Yaz Bukey等都推出過以酒作為設計靈感的手袋配飾，玩味感極重。
(Yaz Bukey)
(Kate Spade)
品牌聯乘
不少高端時裝品牌都曾跟不同的酒精類飲品合作推出聯乘系列，例如Versace、Jean Paul Gaultier、Gareth Pugh及Emilio Pucci等等，都幾具收藏價錢。其實我唔知飲完這些crossover酒個人係咪會high啲，我淨係知每一啖個價錢都high啲……
（Gareth Pugh x Absolut Vodka）
（左起：Versace x Disaronno／Temperley London x Gordon’s Gin）
（左起：Jean Paul Gaultier x Piper Heidsieck／Christian Louboutin x Piper Heidsieck）
美容篇
韓國大熱紅酒唇膏
韓國美妝品牌LABIOTTE早前推出了一系列以酒為靈感的Lipstick、Lip Tint及Lip Balm，其包裝設計成紅酒樽及紅酒杯，非常可愛，而且內裡真的含有紅酒精華成份，唔知搽完會唔會醉呢？
性感宿醉妝
雖然呢個唔係商品，但絕對能跟酒扯上關係，因為這是由去年開始大熱起來的宿醉妝，最常見於日本少女臉上，而呢個妝更被日本男生票選為最喜愛的化妝之一。如果你都想嘗試宿醉妝，重點就要將粉紅色的胭脂掃在眼底下跟蘋果肌之上。
設計篇
啤酒手機殼
韓國人氣品牌Wiggle Wiggle經常推出玩味十足的矽膠手機殼，今年秋天就推出了一款非常過癮的啤酒杯手機殼，引得一眾韓仔韓妹在IG上狂show放閃，如果你同你的朋友同時用，更可影張碰杯照添！
喜力啤酒及Absolut Vodka的電話殼都好趣緻。
飲食篇
韓國大熱可樂酒
韓國最近非常流行微酒精飲品，就連知名酒廠Bohae（보해양조）亦推出了一款結合了可樂與威士忌、極具人氣的可樂酒「Sultan of Cola」，其包裝用上可樂簽名式的紅色罐，但上面的字則變成「Sultan of Cola」的韓文及英文。這款含酒精成份5%的「Sultan of Cola」，據講味道跟可樂非常相似，就連不喜歡飲酒的都覺好喝，有邊個去韓國可否幫我帶一打返嚟？
日本酒KitKat
眾所周知日本人非常愛喝酒，清酒及威士忌更是揚威世界，就連KitKat都推出日本酒（Sake）及冧酒提子味。本人試過，覺得喺唔可以飲酒的情況下食2條，都係止癮的好方法！
軒尼詩V.S.O.P Privilège火鍋
來到秋冬，最好梗係打邊爐，呢個饡入了軒尼詩V.S.O.P的「Hennessy福袋海鮮雞鍋」（$368），湯底加入了軒尼詩V.S.O.P，湯滾的時候會散發出濃濃的酒香，剪開像福袋的腐皮後，會有吸收了酒香的雞肉，加上湯底帶有海鮮味，真係會想飲哂啲湯！另外更有「Hennessy干邑雙色小籠包」（$88)、「Hennessy干邑心太軟」（$98）及一系列以軒尼詩干邑配搭的雞尾酒（$98），酒徒必試！
軒尼詩V.S.O.P Privilège「重新發現港滋味」企劃
日期：2016年11月15日－2017年2月15日
地點：酒鍋－尖沙咀天文臺道8號2樓1號店
