成日都有人話我哋做傳媒的一味鼓吹人買嘢、浪費、加重地球負擔，其實我哋都有新聞道德，所以好希望一有機會就可以向大家傳遞一啲正確、對社會甚至世界有正面幫助的訊息。機會嚟喇飛雲，最近筆者收到一個資訊，是一個關於「走杯 GO CUP」的活動，主旨係要帶出我們日常買外賣跟嘢飲的那隻杯，10分鐘飲完，但原來要花20年才可分解，直接加重了地球的負擔，唔好以為唔關你事，氣候轉變、生態轉變、食物鏈斷，地球隨時末日。為了鼓勵大家一齊為地球「減磅」，綠色團隊Smiley Planet策動了一次「外賣，走杯！」的行動，並設計了一隻「走杯」隨行杯，等大家拎住呢隻杯代替即棄紙杯、攪拌棒及膠袋等，隻隨行杯外形仲唔錯添！以後大家去Cafe茶記，就可以改口講：「咖啡外賣，走杯！」
大家只要拍下自備容器到心水餐廳外賣飲品，並在個人Instagram賬戶分享，推薦該餐廳支持「外賣，走杯！」，便有機會成為「走杯大使」，免費索取「走杯」隨行杯乙隻。仲有一個好消息，依家已經有176間「走杯」食肆歡迎自備杯子外賣或自備杯子外賣有折扣喇！
詳情請參閱www.gocup.hk官方網頁。
