來自丹麥的23歲小鮮肉歌手Christopher憑住靚仔樣、一身肌肉、識唱歌又識作歌，唱Pop得，唱Soul及R&B亦得。2011年憑住cover其他歌手的歌而被發掘，隨即開始走紅。2014年推出大碟《Told You So》更得到IFPI唱片銷量鎊金獎，紅遍歐洲，貌似Lucky Blue Smith的佢更開始吸納亞洲粉絲添！
最近佢來港宣傳新碟《Heartbeat》，我哋當然唔會放過見小鮮肉的機會，仲邀請咗佢同我哋一齊食譚仔。佢要向譚仔姐姐落單之餘，仲要挑戰食特辣，不過佢的表現居然氹得譚仔姐姐都笑到四萬咁嘅口，係犀利嘅！
