美國食具品牌Fire-King，雖然只在歷史上存在短短34年，但卻神奇地成為一個傳奇。1942年誕生，1976年就停產，Fire-King旗下的杯碟由幾美金迅速被炒至幾十美金，其最為著名的莫過於Jade-ite翡翠綠杯。但其實除了綠杯，Fire-King還有很多系列都相當珍貴，例如迪士尼系列及商業圖案系列，而商業圖案系列中，和麥當奴crossover的款式最受歡迎。在1976年時，只要幫襯麥當奴就可免費得到的杯子，保留至今，一隻made in USA的Fire-King麥當奴杯，坊間炒價可高至800蚊。雖然喜愛收集舊物的日本人曾在2011年買下Fire-King生產線，將這些杯子再次生產，但無論是物料抑或做工，比起made in USA始終較為輕薄，而且少了些歷史價值。有人可能唔明點解Fire-King嘅杯咁值得收藏，Fire-King的杯都是以回收返來的舊式奶樽重新吹製而成，再根據唔同系列而印上唔同圖案。試想吓呢啲二戰後生產的杯子，在嗰個時代係幾咁粗用，但流傳至今，杯身的圖案卻依然保存得咁完整，杯身竟然還驚人地保持通透色澤，而且幾乎沒有被刮花的痕跡，可見其質素之高，做工之精細，今時今日，閣下可能有錢都未必搵到Fire-King咁高質素嘅杯。
售價：各$480
售賣點：Inbetween/上環太平山街6號B
