TAHITI是韓國的5人女子組合，美蘇、敏在、Jerry、智秀以及Ari。2012年出道至今，雖然經歷了不少隊員變更，但5位美女依然努力在韓國樂壇中爭一席位，「我覺得3年以來我哋最大嘅改變係自信咗，於舞台上自然咗，仲有女人味重咗。」今年1月她們就以迷你專輯《Fall Into Temptation》come back，繼續大sell性感形象，早前她們在旺角朗豪坊舉行的《夏日韓瘋》K-POP SUMMER GIG韓流音樂瘋活動，就露腰擺臀咩都做齊，「其實我哋下次想試玩hip-hop造型，最好連音樂都轉做風格就perfect！」事實上幾位90後美女平日真人都應該不是sexy lady，見她們的舉止應該是男仔頭性格，玩中性hip-hop風可能會殺出新血路，仲自如自在都未定。訪問當日TAHITI早上先落機，去到酒店化好妝set好頭先有得食嘢，「我哋好想食片皮鴨同海鮮呀，平時我哋都係至愛飲飲食食，成日食炸雞飲啤酒～」雖然TAHITI完全不會對減肥節食，但講到學中文就非常勤力，一個月時間已經識用普通話介紹自己，仲不停讚自己「我好聰明！頭，in！」我明，你想講個腦嘛，原來最聰明可能係我，哈哈。
