由7月13日開始至8月30日，迪士尼最新動畫《玩轉腦朋友》喺香港迪士尼樂園正式同大家見面！今次迪士尼同彼思合作嘅《玩轉腦朋友》被譽為係彼思動畫有史以來最具想像力之作！呢套戲喺去年曾經出過Trailer，當時已經有好多人期待呢套戲嘅上映，YouTube 點擊率超過20M，可想而知《玩轉腦朋友》真係好受歡迎。 為咗帶大家進入萬眾期待嘅《玩轉腦朋友》中女主角韋莉嘅腦海世界，香港迪士尼樂園度假區嘅動畫藝術廊已經變身成為十分colorful嘅腦海總部控制中心！喺控制中心裡面除咗可以見到好多電影場景之外，入場觀眾更加可以製作自己嘅「腦朋友」相片，選擇你喜愛嘅角色後就可以對鏡頭擺pose變成「腦朋友」嘅一分子！影完相之後記得去旁邊嘅小鎮沖印店領取製成品，張相用來收藏都唔錯。 大家參觀完總部之後可以去行下街，皆因《玩轉腦朋友》系列有好多好靚嘅精品以及美食。主題精品多不勝數，喺美國小鎮大街入面到處都有「腦朋友」嘅身影，猶如置身於腦海世界中遊走！我今日心情好～著返件阿樂嘅Tee先！
牆上嘅建築物係咪好靚呢!
控制中心入面有主角韋莉既畫面浮現
用LED燈板製作, 唔同顏色代表唔同情緒嘅波波
參觀同時亦都可以玩埋一份, 製作自己嘅「腦朋友」
迪士尼仲有好多「腦朋友」等住你帶佢地返屋企~
最可愛嘅係呢個阿燥出氣球, 不過小朋友要小心玩呀
仲有得意又有型嘅TEE
太陽咁猛烈, 唔帶帽點得?
**電影資料**
《玩轉腦朋友》(Inside Out) 當中嘅五位主角阿樂(Joy)、阿愁(Sadness)、阿燥(Anger)、阿憎(Disgust)同阿驚(Fear)係主角韋莉嘅大腦專員。而故事就發生在三藩市, 講述阿樂同阿愁唔見咗, 導致韋莉失去快樂同憂傷嘅情緒,因此成個人變得好忟憎,對事物感到討厭! 究竟蕩失路嘅阿樂同阿愁最後返唔返到去腦海總部控制中心,幫助韋莉變回正常呢?
優先場: 11/7
正式上映: 23/7
