William Tong
畢業於IVE高級文憑
從事插畫4年
熱愛大自然，對本土風景有着濃厚興趣的藝術家及插畫家William Tong，從他所畫的風景畫中，可見展現了香港另一面的場景，擁有山水畫的特質之餘，亦同時注入複雜的建築，將看似平凡的景象，被他繪畫得既寫實又超自然。「諗番做咗自由生創作人都有4年時間，初初讀完平面設計之後，做咗好幾年相關工作，但同時都繼續畫畫，鍾意到租咗個studio嚟搞創作，可能係太鍾意關係啦，我仲辭埋份工，去咗香港好多效外地方，畫咗好多天馬行空嘅風景畫。之所以我咁鍾情畫風景畫，其實係出自於自己鍾意大自然，尤其係啲離島地方，例如係去吓長洲、坪洲、大澳同南丫島影相拎靈感，咁我就會用類似山水畫方式嚟畫個背景，再加我一啲奇奇怪怪諗法，將城市嘅一少部融合大自然風景裏面，所睇落好地道，亦好有自我風格。而具喺上年5月機緣巧合之下，被一間樓上舖邀請，展出咗我部份插畫，喺舖頭類似寄賣形式，亦差唔上年時間12月尾，有幸被中環畫廊Parkview Art HK邀請我同幾位藝術設計師一齊開咗個聯展，展出咗我幾幅為保護海洋生態嘅新插畫，用細密強烈嘅線條，表達人類不斷對海洋做出唔同程度嘅破壞，將海洋生物同垃圾污染物融為一體，變成一啲外貌形態怪異嘅新品種，去強烈表達出而家大自然嘅惡劣情況，如果大家有興趣嘅，而家到1月24號都仲可以免費入場睇呀。而嚟緊我會作多方面嘗試，除咗想搞個人畫展，亦會製作立體雕塑，做個多元發展嘅artist，希望大家會支持吓本地創作。」
