看畢《Who You Gonna Call?》紀錄片，完全感受到「經典」其實就係咁簡單，音樂前奏響起，已認知熟悉氛圍突然濃烈，屬於甜蜜、青澀、步進成長成熟嘅回憶瞬間返晒嚟，而呢種「經典」，好肯定，將會傳承落去！
即日起至7月10日，Ralph Lauren於銅鑼灣時代廣場開設首度登陸香港嘅The Polo Shirt期間限定店，就可以一站式重溯經典！當中可以透過店內多個生動敘事及精彩視覺元素，重新認識、體驗逾半世紀嘅Ralph Lauren設計經典，除咗款式齊備、獨特設計嘅Polo Shirt代表作，最具亮點必定係Create Your Own（CYO）店中店！憑藉客製化服務，可自行設計個人化嘅男、女及童裝款式，以互動視屏網羅多款淨色設計衫身，更提供多款打印圖案或刺繡布章以供選擇，締造出屬於自家版本嘅Polo Shirt。

另外，早前由Rizzoli International出版嘅《Ralph Lauren’s Polo Shirt》大型精裝圖鑑亦係今回重中之重焦點，全書共544頁嘅百科全書，透過珍貴歷史圖片，以及來自名人、政客、總統、王室成員、優秀健兒以至普通人嘅精彩故事，詳細紀錄Polo Shirt經典風格和文化影響，不受潮流限制，一個公認嘅文化符號，獲得各階層青睞包括電影明星、總統，以至運動員和藝術家。以Polo Shirt為主角，輯錄大量精美插圖，以及分別由Ralph Lauren及David Lauren親筆撰寫序言和後記，回顧長青經典服飾歷史。

Ralph Lauren：「襯衫從來不是重點，生活態度才是。」