BLACK UNIT VOL 61 - Killkard
一年一度長假期 ，電視台必定會重播經典喜劇，適逢今期播《功夫》，見到火雲邪神一輸亂拳瘋腿，打到周星星同學任督二脈全通，由逃學威龍變成萬中無一的絕世高手。人體真係咁神奇，打獲金就可以變奇才，如果打唔通，後果會如何？所以醒目的大眾，都係去做下腳底馬沙池，痛幾吓，通兩吓湧泉穴，排毒去濕穩穩陣陣。其實任督二脈喺邊位，就係前身正中嘅任脈，同背面中間嘅督脈，兩條大路軌，貫通全身。上面有好多個站，就係穴道，全部加埋一共有365個。成日有人話唔好比我知道你嘅死穴, 知道你就死。其實知道人既死穴又有幾難？Marine Scout Sniper呢張死穴咭，簡單直接列出各個致命位置。你唔洗講我都知啦。專業人士就貼係槍柄，追擊敵人時，可以出吓貓。如果都市人，就可以考慮貼喺電話背後，隨時攞出嚟，好似中醫館張穴位圖，鎮鎮宅都幾唔錯。
www.combatperformancegroup.com/store/p11/KILLKARD
text|Donald@903
