上個月係網上舉辦嘅 2015 Nike「打出名堂」有近二萬人透過上傳影片去分享自己嘅籃球精神同故事，第二階段嘅選拔賽已經喺北京、上海、廣州、成都、昆明、武漢、南京、西安同瀋陽舉行，香港站將會喺7月8至9日火熱舉行! Nike籃球員Anthony Davis都會嚟到香港參與巡迴選拔，喺眾多出色球員中選出2位MVP球員進入遴選名單，喺最後選出嘅30位球員將會參與北京星銳球場 (House of Rising Star) 舉行嘅訓練同晉級比寶。今次參與選拔嘅Davis原來已經加入職業籃球NBA三年，22歲嘅佢今年首次入選NBA最佳陣容，亦都係今年NBA中第一位喺一季中4次比賽最後24秒內得分幫球隊贏波嘅球員! 但係佢成功嘅背後都付出咗好多努力，不過佢成功最大嘅因素都係兩個字－堅持! 儘管佢基礎已經打得好好，但係要更上一層樓就要精益求精，於是佢就搵教練去調整自己嘅投籃姿勢。要知道改變一個習慣唔係一件容易嘅事，所以佢練習上千次投球姿勢都唔夠，還要確認出手動作正確，真係心力少啲都唔得呀! 捱過艱苦練習嘅佢話如果自己做唔到籃球員嘅話都唔會放棄，會做同籃球有關嘅工作，例如做球隊經理或助理教練，一定唔會比籃球離開佢嘅生活咁話! 佢仲為籃球夢想而奮鬥嘅青年們送上打氣嘅說話:「保持你的熱情。每一次在和對手對決時都保持全力以赴，你就會變得越來越出色。」每個認真對待，並勇敢付諸行動嘅人都會成就佢嘅夢想! 年紀輕輕嘅Davis今年係球場上嘅成長後，更令人期待新一年佢又會為我地帶嚟新驚喜!