NIKE今次準備充足，於3月6日的發布會前，已經發放預告片，而不少波鞋友都預計他們會推出Flyknit波Boots，adidas有見及此，就先出招，在NIKE出預告那天，先發布用上F50外形的Samba Primeknit，搶先取得「世界首對用Knit製作的波Boots」之名。到了3月6日，就在NIKE舉行發布會那天，adidas又搶先出招，發放一對鞋連襪，名為Primeknit Fs的波boots，搶去「全球首對All-In One波Boots」之名。其實NIKE要做的都做了，adidas要出招就出招，明眼人都睇得出NIKE的Magista於整個發布準備更充足，無論在巴塞的記者會或者發布上網的圖片，都做得非常完美，無得挑剔。相反adidas的見招勉強出招，則令不少球迷，甚至adidas支持者感到無奈。不過又要諗，adidas無得唔出招，唔出招就會被NIKE完全搶去風頭，既然手頭上早就設計了兩款Primeknit波Boots，就算未準備好都要先放出來，先見其樣，及後再讓大家了解當中的優點，以adidas在足球科技的歷史和技術，其實都幾令人放心。至於幾對波Boots的科技，請留意星期一推出的《東TOUCH》，會有詳細分析。