Andromeda : Tactical Lighting

世界軍事科技日新月異，你又研發地對空導彈，佢就製造空對地霹靂炮，用於軍事的投資，真係一秒幾百萬美金上落。試一試新武器，不知道可不可以助養成個非洲的兒童？如果點都係喜歡投資軍事，都可以嘗試非武力的方向，投資一下這幾個年輕設計師用於軍事的創意。成功創造一件產品，在於對細節的要求。前排有po文展示被咬一口的蘋果logo，內裡有何其多條formula，去成就一個簡單到極致的設計。圓直曲斜，內裏其實需要幾多諗爆頭腦的計算同心思，先有一個無人不曉的image。就望望呢支燈，外表簡單由一支槍管演變而成。實在，望真一下，槍管本身是一個新idea－full tri-rail system，正在申請專利。鬆一口螺絲，便可調節燈腳的高度。隱藏開關設定於燈管的底部，連貫成個軍用的概念。成支燈，螺絲、支架、wire，計計埋埋成20幾30件，先砌埋成為一支燈。仲要有四個顏色選擇。外型，功能齊備。與其發展武器，不如鼓勵投資軍事家居設計工業，創造更多既有型又有用的產品，豐富一下生活，令周圍環境更有品味，更加好玩，好過走去爆人屋企啦！