The Perseus ExoSkeleton Concept

從前，有一個平凡的小朋友小明，每日都在發白日夢，幻想一下回家路上會遇見無雙狗，一齊去那街口對付呃細路零用錢的光頭佬辦館，又或者在街角執到叮噹，帶回家浸浸水，會發脹成一個真的叮噹，變出不同的法寶。不過，每一日都只係在回家必經的路上，碰到住隔籬座的同學，在屋邨樓下的公園，無意識地追逐一下，好彩見到有汽水罐，就衝力射球大戰猛虎射球，玩到四點鐘，就要衝番屋企睇電視。而小明最愛的卡通，是半夜播放的聖鬥士星矢。逄星期六晚，偷偷地開電視，仲要用毛巾遮住個電視，先可以開嚟睇，因為怕靜電聲嘈醒阿媽。令小明如癲如醉的是那套聖衣，只要有聖衣護身，就力量大增。於是就開始製作自己一套的黃金戰衣紙皮版。只可惜小明太投入，着住套聖衣，喺碌架床跳落地受傷，要住醫院。亦都係小明最大改變，因為睇咗《Ironman》，發現最厲害的戰衣，原來係要有個憶萬富豪老豆先可以擁有。於是小明就日日發夢有第二個老豆，不再想戰衣的事。不過，呢個世界，好多人都仲發白夢發到變真嘅一樣， 外國artist Francis Goeltner就明白無夢想同咸魚無分明嘅道理，設計了The Perseus ExoSkeleton，concept 部分已經有Rendering面世，只要有夢想，凡事可成真！期待呢套Skeleton有出世的一日！

text|donald@903