出開工業電動工具如電鑽、氣動裝置、園藝工具、戶外動力設備和配件嘅Makita，之前出咖啡機已經好正，日本最近更推出可充電微波爐，可使用40Vmax電池於任何地方加熱！8L收納容量可以裝一個大飯盒（內部尺寸為255mm寬×120mm高×241mm深），可無線加熱各種食物和飲品，適合喺工作間或車內用餐，方便攜帶！

微波爐可裝兩個電池（亦可使用單一個電池），而USB更可以充電（最大輸出2.4A充電 / Type-A USB），個爐具備安全保護功能，爐身傾斜就會停止機能運作，如果運行中打開門，個爐亦會自動停止操作（加熱完成後若果冇打開，每分鐘都會有提示）！MW001GZ重8.8 kg（不含電池）、輸出：500W/350W（零售價110,000yen），充電器單獨出售。