早前釋出嘅Off-White™ EQUIPMENT™ c/o Post Archive Faction (PAF)聯乘系列引起頗大注目度，而Post Archive Faction日前分享當中製作嘅WIP / BTS圖片，Virgil Abloh早於2020年構思呢個聯乘系列，強調其功能性及概念化設計，重新詮釋象徵性、進化主題，探索人類於當代世態中人性嘅生存 / 意義。

合作企劃中Off-White™對奢華空間內嘅設計創新界限提出疑問，並要求韓國團隊Post Archive Faction喺設計與實用交叉點中構思出高性能服裝。當中柔軟黑 / 白色物料以無花果葉製成，覆蓋系列服裝和配飾之上，可以於混凝土、瀝青、金屬和塑膠為主嘅城市環境中提供適應性Camouflage作用！

Post Archive Faction主理人Dongjoon Lim出生於韓國首爾，曾修讀工業和空間設計，後來擔任時裝品牌和IT公司嘅用戶體驗設計師。他對時尚產生興趣，並成為一名自學成才嘅男裝設計師。2018年創立PAF，探索新結構配方和剪裁輪廓，展現於滿載未來感嘅運動服及外套之上，歷年來不斷發展更新版本。2022年，PAF已經發表第5個系列，並繼續進行無限制嘅試驗，短短4年時間裡，知名度呈指數級增長，更入圍LVMH 2021年「青年時裝設計師獎」名單。

品牌「左 / 中 / 右」設計語言提供實驗空間，同時創造出差異化及範圍：「左」作品更具實驗性、趣味性和表現力，使用透明PVC、重型尼龍和彈力繩等材料拼湊出真正屬於時裝表演Runway嘅傑出作品。「中」作品被認為「左」和「右」之間嘅橋樑，為傳統作品帶來微妙嘅細微差別。「右」屬於傳統，適合想要日常尼龍外套或運動褲嘅普通消費者，為更廣泛嘅大眾所熟悉，同時通過使用物料與柔和顏色，本質上採用實用主義，忠於PAF嘅設計語言。