塵封廢墟洛杉磯南部，夢想破碎嘅垃圾場，覆蓋著灰塵污垢鏽漬，時間凝結停頓。。。
幾十年來，神秘嘅Rudi Klein Collection一直處於保密狀態，非凡汽車藏於加州僻靜廢料場中。呢個傳奇寶庫據悉藏有一啲有史以來最稀有嘅汽車，包括失傳已久嘅Alloy Gullwing及其他傳說中嘅車款，曾經係車迷道聽塗說眾說紛紜竊竊私語嘅話題。

而RM Sotheby's「The Junkyard: The Rudi Klein Collection」汽車傳奇寶庫將於10月拍賣會上亮相。
藏品自Rudi Klein去世以來一直保持著原狀，其中包括從歐洲運來嘅車款，並將於五十多年來首次推出。即將舉行嘅拍賣會將為汽車收藏家和愛好者提供難得一見呢個傳奇收藏品嘅機會！

Rudi Klein係一位德國移民，於上世紀五十年代末抵達北美洲，佢嘅職業生涯始於屠夫，後來透過位於洛杉磯郊區嘅廢料場轉向經營歐洲經典老爺車。幾十年來，佢積累無與倫比嘅收藏，並且保密，很少被外人睇到。今次拍賣會將包括車款如1935 Mercedes-Benz 500 K「Caracciola」Special Coupe、1955 Mercedes-Benz 300 SL「Alloy」Gullwing、1967 Iso Grifo A3/L Spider Prototype by Bertone等，絕對係一個千載難逢嘅機會，可以入手一啲最受歡迎且具有歷史意義嘅汽車，每部車都有獨特嘅故事和非凡來源！