好咯，人人都可以係黑武士，人人都可以喺屋企製造死星。呢位外國Star Wars星戰迷就用一盞IKEA買到嘅吊燈上色，將佢變成電影入面嘅死星，加埋本身吊燈嘅透光罅隙效果，超有型！啱啱check過，香港IKEA都有得賣呢盞吊燈，佢仲將製作過程影咗相拍咗片，唔駛去偷藍圖都識得整。

呢個Death Star雖然唔可以炸咗個星球，但就可以照亮你個廳。吊燈型號係PS2014，上IKEA香港網站都搵到，賣$1,290。佢先喺盞燈上面畫好圖案再上色，完成品真係勁正！不過你以前上美術堂高唔高分先？盞燈都唔平嘅。