CULTURE
香港區區有戲院……未呢?仲差呢一區!

MCL粉嶺戲院今個星期六(121日)開幕!而且戲飛仲幾街坊價,例如成人正價2D戲票只售港幣$65,成人早場2D戲飛及成人星期二2D戲票更低至港幣$45。而沙田UA戲院重建十年,早前都話出年終於會回歸!咁到底香港區區有戲院……未呢?到底邊度仲未有戲院?

全港現時共有戲院有47間,今個星期六開幕的MCL粉嶺戲院,將會是第48間。如果以區域劃分,目前唯一未有戲院的就是大埔區!但其實以前大埔街坊曾經擁有多間戲院,包括50 年代尾結業的大埔戲院(大埔有條戲院街,據說就是大埔戲院舊址),還有金都、寶華,年青一點的朋友應該識星輝、鴻基和銀星。直到2001年星輝戲院結業,之後大埔竟然一直沒有戲院!07年時曾經有傳會將停車場大廈改建成迷你戲院,但最後亦不了了之,去年有新聞就話大埔超級城將會新增迷你戲院,希望大埔朋友早日等到,條頸可以變返正常。

MCL粉嶺戲院
地址:新界粉嶺馬適路1號逸峯廣場G12號舖