「美少女轉身變，已變成.....」

喂，但點解呢套《美少女戰士》啲畫風咁嘅？原來《Moon Animate, Make-Up!》係外國美少女fans嘅自發計劃，由超過250人以上嘅動畫學校學生、業餘粉絲以及專業動畫家，合力重製《美少女戰士》動畫，所以大家可以見到南轅北轍嘅style喺同一條片出現，幾秒轉一款，非常有趣。呢個計畫由2013年10月開始，據知佢哋想畫返晒第一季全38話，每一集22分鐘左右，就算大家分開畫都真係要啲時間。第一集成品今個月20號已upload上YouTube，8日已有過百萬人次瀏覽！

睇完覺得其實正過今年推出嘅日本正宗新版《美少女》，但下一話係咪又要等9個月先有得睇？！

text | iris