今個聖誕（24至26號）Hot Toys可謂威盡日本，適逢今年是Hot Toys成立10周年，一於貫徹其最架勢的特質，在日本東京Tokyo International Forum展開3日的大型玩具展，作為香港figure公司，Hot Toys之威名直撼日本人心中，除24號晚邀得多位日本著名大師級玩具設計師到場參觀外，25號首賣的3款exclusive items（朋友、MJ beat it ver.及Batman & Scarecrow）更出現大排長龍。而會場展出過住百多隻MMS figure之餘，更率先公開即將上架的figure及2011年取得的新角色版權，保證大家引頸以待，想知來年的新items？即刻揭去下一頁啦喂！

近數個月，有隻手機遊戲大熱得像赤道重叠，全球有5,000萬人次下載，唔使問阿貴都知，就是《Angry birds》，走進地鐵車廂中，差不多人人都在玩。玩法也不用介紹，爆機取得金蛋的人比比皆是，而開發這隻遊戲的公司Rovio，也賺到見牙唔見眼，發過遊戲中的豬頭，大堆副產品已推出，更會開發續集，相信2011年，世界仍然憤怒鳥﹗

1月7日，亞洲盃將於卡塔爾舉行，根據過往的資料所見，各國都不會太注重這項賽事，大多數派出二線兵出戰。2011年的，卻一反常態，就連日本和南韓都派出最強大的軍團，所有歐戰精英都到卡塔爾為國效力，如此情況，看來決賽球隊已定，就是日韓亞洲雙雄，始終以其他球隊的實力，難以擊敗兩支於亞洲超班的國家隊。

一年百幾咁多件電気產品，相信讀者都真係睇到頭暈昏花。唔洗驚，《東TOUCH》編集部一眾TOUCHers為你結合市場反應及專業意見，點評幾款2010年度最受注目的gadget產品，並且選出年度「2010年TOUCHer’s Choice電気大賞」得主，名額只有三個，選中的絕對會是「年度之機」！

2010年號稱年度最強的聯乘企劃，由《東TOUCH》拉攏多啦A夢跟葛民輝的4A like Black合作，第一彈先來多啦A夢40周年X 4A like Black兩件紀念tee，一向極少跟卡通人物聯乘的阿葛竟然破例，皆因他自細愛看多啦A夢漫畫，胖虎的經典「閃電衫」更是他的至愛，於是日以繼夜趕工研製限量tee，貫徹4A like Black質量行先的風格，+shop獨家發售，入手要快。 當然開心唔止得一次，未來的幾個月《東TOUCH》都定期為大家帶來更多多啦A夢 X 4A like Black聯乘item，又係嗰句，又點止tee咁簡單呢！