經常看《花生漫畫》就是被查理布朗的純真率性受吸引，不過原來查理布朗都好鍾意去夜浦口架，由鬼才藝術家Ron English及Made by Monsters主理嘅Vinyl Toy figure一向大玩惡搞諷刺元素，經典的如肥版麥當勞叔叔，或露出半個骷髏形態的天線得得B，都叫潮人們愛不釋手。今回為慶祝亞洲最具氣派的娛樂場所新濠天地「嬌比」開幕一周年，於是透過Ron English手筆製作特別版「嬌比」查理布朗Vinyl Toy figure，除了保持口部露出骷髏骨的經典造型外，查理布朗的膚色也變成深灰色，更穿上「嬌比」主題的螢光粉紅衣服，把原本熟悉的可愛形象徹底顛覆。另外再手持「Club CUBIC」唱片化身成DJ布朗亦更添型格，而且是次作品只限量100隻，比以往的搪膠figure有着更高的珍貴度，喜歡搞惡搞大師Ron English作品的你，絕對要儲。

講家品，除了人人都識的IKEA外，大概Alessi會是另一個你也要知要識的名字。來自意大利的Alessi是一個成立已經90餘年的家品公司，起初不過是以手工餐具起家，但在創立人Giovanni Alessi及其一眾家族後輩的主理下，漸漸從一個座落於阿爾卑斯山山腳的小品牌，蛻變成為一個國際知名的designer label。不過是家品，你可能會問可以玩得有幾瘋狂有幾癲，但只要看看上圖一款由Philippe Starck主理的外星造型的Juicy Salif，你就會驚奇這一家不設專職設計師的家品公司，是如何將尋常家品打造成一件件的普普藝術品，從餐具、時計、燈品到其他家庭小品都一一涉及，而且每一款產品均找來世界知名的大師級人馬出手設計。適逢Alessi今季新貨到着，今期《東TOUCH》便為連同現有的經典products一炮過公開，等你唔使行嚟行去都係IKEA咁悶。

距離歐洲國家盃開幕日不足60日，各支球隊的領隊開始預想陣容和踢法，球迷亦要為決賽周作出準備，至少也要認識每支球隊的重心球員，若然不夠了解球隊，睇波只會了無樂趣。由今期開始《東TOUCH》將會連續8期為大家嚴選16支球隊的重心球員，第一期當然要介紹兩支於揭幕戰登場的，波蘭近年進步神速，外流球員水準甚高，而希臘則被公認老化得很快，事實上又未必。

以前睇《Star Wars》都好想學下天行者、黑武士佢哋揮舞光劍、用原力隔空取物，事隔30多年終於可以透過《Kinect Star Wars》實現喇！剛推出嘅《Kinect Star Wars》將玩家打造成絕地武士，無論係原力、光劍、飄浮等動作一一可以透過遊戲中做到。而係上星期二銅鑼灣《Kinect Star Wars》發布會中，搵嚟星級《Star Wars》迷古天樂親身試玩，當然吸引唔少市民圍觀。想知《Kinect Star Wars》有幾好玩，即刻睇睇啦。

早說過山口式的佛像系列figure是今年玩具迷的must buy item，單看竹谷隆之及山口隆擔任模型總設計，加上鬼木祐二設計就知道成品絕對上乘，不過始終涉及宗教題材，香港店舖未必敢大手入貨，導致第一彈的多聞天王炒至$800高位。玩家們吸收經驗當然早一個月已向相熟店舖訂貨喇，免得又再高價買入。預計每月1日號會推出一款的山口式REVOLTECH金剛四大天王，今回就輪到四大天王外的阿修羅。