為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit

LEGO玩家自創系列 火箭模型6月升空

正所謂高手在民間,砌LEGO嚟講,除咗專業設計師,唔少LEGO迷其實都係高手高手高高手,所以先會有LEGO Ideas系列嘅出現,所有非官方嘅設計會交到 LEGO Ideas 作公開評審,仲要有超過一萬名網友支持,先可以正式成為LEGO官方發行商品。系列最近就玩到上太空,將喺6月推出全新LEGO NASA Apollo Saturn V (#21309)阿波羅火箭模型,太空迷要有!

呢個阿波羅火箭模型100%由玩家自創,係為紀念阿波羅11號登月45週年所設計嘅,除咗設計精細,佢砌起仲有成1米咁高,成為LEGO Ideas系列有史以來最高成員,放喺屋企都幾震撼!

產品跟實物比例係1:110,砌起有成1米咁高,係LEGO Ideas系列有史以嚟最高嘅模型。

全套由1,969件LEGO組成,代表美國人首次登錄月球嘅年份,極具收藏價值!

火箭可分拆成3個部分,仲有三個支架等火箭可以水平擺放。

火箭最頂部內藏一個登月艙同一個返回艙,仲有4個太空microfigures人仔。

送太空主題mini-build 組件

6月開始去旺角朗豪坊高層嘅LEGO Store買LEGO NASA Apollo Saturn V,仲有機會獲贈限量版秘笈一本同隨機附送以下其中一款由香港原創嘅太空主題mini-build 組件!

旺角朗豪坊LEGO® Certified Store
地址:九龍旺角亞皆老街 8 號朗豪坊商場 12 樓 1B 鋪
電話:26132888


Tag : legoLEGO Ideas太空模型