呢個產品真係好過份，如果你身邊有人可愛到癲喪級別，仲會幫啲死物改名，咁呢個Fravel旅行篋真係為佢而設。首先個造型已經要尖叫啦，四個轆都係貓爪嚟，仲有肉球。不過主菜係兩隻貓耳仔，佢哋真係識郁，介紹影片中「主人」摸吓個篋身，兩隻耳仔識郁呀！如果寄艙，我諗惹人破壞嘅挑釁能力仲高過R字頭嗰隻。
兩隻耳仔識郁得隨住用家嘅動作俾反應，因為篋身有感應器，隨住移動速度同埋動作會有唔同動作。有時驚可愛過頭，兩隻耳仔仲可以拆落嚟，官方仲話遲啲會推出可換嘅耳仔，除咗貓耳仲有熊仔耳同兔仔耳。篋身仲有一盞心心燈，因為內置有電池，你拉佢先會著，仲可以充當流動充電器幫你叉電話，而且全個篋都有防水功能。
呢個名為Fravel嘅旅行篋而家喺Kinkstarter集資緊，夠膽就嚟。
