我知你想買PS Pro，但少貨嘛，咁其實如果想平嘅，屋企又未有4K電視嘅，普通輕薄版PS4都買得過，尤其500GB，因為買得1TB版，真係唔爭在幾百蚊買PS Pro。啱啱官方就公佈咗會推出輕薄版嘅白機，而且香港都有發售日同價錢喇。
呢部「冰河白」輕薄版PS4，香港將會喺1月19日發售，500GB價錢$2,380，1TB版價錢$2,680。白色機一向都有唔少人追捧嘅，襯衫嘛。另外，同日都仲會有「冰河白」、「迷彩綠」兩種新顏色兩隻新色DS4手掣，型號係CUH-ZCT2，即係輕觸板上有條光嗰隻，官方建議零售價賣$468。
