為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit


《LifeWear magazine》生活藝術 源於日常

上一期Philippe Weisbecker幫《LifeWear magazine》畫咗幅Recycled Down Jacket畫,即刻攞多幾本,之後仲裱起咗佢,而2月24日即將推出最新一期第8期2023春夏季期刊有另一位好欣賞嘅愛爾蘭藝術家Nigel Peake,繪製封面之餘,更大談到訪京都旅程(如跳蚤市場、古董店和城市藝妓區)嘅種種生活點滴,當然又將會一(或更多)本儲 / 一本慢慢咀嚼內容啦!今期以「The Art of Everyday Life 生活藝術,源於日常」為主題,當中另一焦點:與西班牙雜誌《Apartamento》合作,專訪三位居住於巴塞隆拿嘅藝術家,分享生活模式、創作空間活在當下嘅感受,部屋家居迷必睇!

睇開《POPEYE》,就會追住前總編、現任迅銷有限公司執行副總裁兼創意總監木下孝浩於每一期《LifeWear magazine》嘅生活品味展示,正如佢認為:「巴黎、東京、墨爾本、洛杉磯、巴塞隆拿、京都、斯德哥爾摩、波士頓、漢堡和華沙——這些都是最新一期《LifeWear magazine》曾經到訪和拍攝的城市。我們希望透過LifeWear,把每個地方及其人民的正面思想和價值觀傳遞,讓大家可以從期刊中感受旅行。」

至於對應今季主題「The Art of Everyday Life 生活藝術,源於日常」製作出高品質及高功能嘅日常服飾,就於早前舉辦嘅2023春夏系列預覽會一一列陣,其中暫未有釋出日期嘅新季度UNIQLO and JW ANDERSON設計師聯名系列最具驚喜度,似COMME SHIRT嘅恤衫、網球比賽圖案、英倫背心等都係亮點;另外UNIQLO CUSTOM ORDER度身訂製西裝服務,即將登陸香港,可以合理價格擁有更稱心如意剪裁,Nice!

至於知名藝術家河村康輔出任新UT創意總監之後,UT系列更加精彩具話題性,《BLEACH死神》、《進擊的巨人》、《新世紀福音戰士》系列固然吸引,而日前推出、當代日本藝術家花井祐介以「邁向未來的一小步」為主題嘅新Tee亦屬必入手之作,另外,將於3月新登場嘅Legends of Graphics UT,其中由美國傳奇藝術總監 / 平面設計師Paul Rand設計嘅超經典IBM Tee,絕對絕對係Must Buy!