作為戶外品牌，日本THE NORTH FACE為了照顧不同類型層面不同年齡人士嘅實際需要，設立不同支線對應，而MATERNITY孕婦裝就係其中之一，經過多個季度之後，早前，品牌更於2022秋冬季訂立MATERNITY+系列釋出新品，專為準備迎接BB / 新增家庭成員而設嘅親子、孕婦裝服飾 / 裝備！對應女性接受懷孕和分娩等挑戰，THE NORTH FACE進一步擴大產品陣容，以不分性別、男女皆宜為重點，支持那些追求育兒冒險嘅人士，每個人都應該喺懷孕期間和家庭成長時保持健康，以方便一家大細姿態到戶外走走、參與活動。
當中以CR STORAGE JACKET為最大焦點，中性設計，備有10個大容量口袋嘅外套，完全滿足「盡可能唔想帶袋」嘅願望。至於BABY SLING BAG係一款具有嬰兒揹帶功能嘅單肩包，同時可以攜帶父母和孩子外出必備嘅物品，獲得SG標準，安全可靠，內襯更可以拆出來清洗。另外一件由合成纖維VENTRIX製成、具有出色透氣度與拉伸性嘅MATERNITY VENTRIX CARDIGAN，即使喺懷孕或產後帶孩子工作時都唔會感到悶熱，拉鏈開合可根據腹圍調整廓形，因此可以於產前和產後穿著。
