由首爾時裝周轉戰米蘭嘅韓裔設計師Munsoo Kwon，所創立嘅同名男裝Munsoo Kwon，相信大家都唔會太陌生。設計充滿玩味同前衛嘅Munsoo Kwon，日前正式在米蘭時裝週發佈自己2018春夏季度系列，今次主題圍繞住當今個人主義與單親家庭融合等社會現象。
靈感由雅痞 (Yuppies - 屬於中上階層的年輕專業人士) 、現代BOBO族 (中產階級式的波希米亞人）到活在當下及時行樂嘅YOLO們 (You Only Live Once)，Munsoo Kwon用佢嘅設計探索改變同體現了時代價值觀個人主義嘅迷人歷史，隨性慵懶卻很精準，一啲多餘嘅野都無，繼續沿用條紋等經久不衰嘅經典元素，同時融入高街、運動（注：最近好多行show models們都著nike，似乎剔牌SS18要係時裝界反擊adi)、西裝等風格，貼地易著，今年應該不愁銷量。
