為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit


14歲的潮人Leo Mandella

話說潮界KOL既年齡層已經由2、30歲既成年人慢慢降低,市面上開始愈來愈多「未夠秤」嘅後生仔開始得到品牌嘅注意,無他嘅,因為佢哋真係好鍾意買衫,又鍾意喺instagram入面同大家分享佢哋嘅OOTD 呀嘛(但家底唔錯,又多時間出去影相,相信都有好大幫助)。

全身Supreme Tracksuit 加對 Nike Air Max Plus,歐美街風指標就是咁。



就好似得14歲嘅Leo Mandella ,日日Supreme 、Palace、North Face、Gosha上身,你買到嘅佢有,你唔買到嘅佢都有,聽聞每個月佢都用成一萬英鎊置裝(雖然英鎊跌,但圍番都有成9萬幾蚊港幣),你先唔好理佢個樣如何,配搭如何,但佢而家係外國潮界嘅影響力完全同佢年紀成反比。

未讀完中學嘅佢已經得到肯爺Kanye West 嘅青睞,率先得到仲未上架,傳說中最平嘅adidas YEEZY鞋款Calabasas Powerphase,上傳ig之後仲引起外國傳媒廣泛報導,到底係潮牌有遠見、定係傳統推廣方法已經唔夠爆,而要向13、4歲既小朋友埋手呢?
啱啱先曝光嘅 adidas YEEZY新鞋 Calabasas Powerphase,佢已經上腳喇。
我地即管留意佢哋呢股街頭年輕新勢力可以去到幾遠,同埋香港青少年消費力會否成為品牌追擊目標。
想跟下佢哋「expensive taste」可以follow佢嘅ig: