一轉眼間，Shake Shack原來已經進軍香港5年啦，當然，要慶祝一下！
於香港設立嘅首間門店ifc Shake Shack剛重新裝修，特別邀請於香港土生土長嘅巴基斯坦裔藝術家Ahmad Rida Nisar為呢間店設計及繪製特色壁畫，展現出Shake Shack從源自紐約嘅熱狗車，到港開設第一間分店，繼而與本地社區連繫嘅過程，當中包含好多香港獨特文化元素及著名地標，例如中環、太平山頂、維多利亞港、尖沙咀和海洋公園等，彰顯出Shake Shack擁抱香港本地文化嘅理念。Rida擁有香港演藝學院後台劇院設計深造文憑，去年成為被選中加入HK Walls師友藝術計劃嘅五位年輕藝術家之一，今次Rida為Shake Shack精心設計嘅壁畫融入天馬行空又別出心裁細節，例如紫荊花、雪糕車、行人路和標誌性嘅香港路牌等本土特色。
另外，Shake Shack與同樣於香港成立五週年嘅Cookie Department (Cookie DPT) 合作，共同為人氣雪糕甜品Shack Attack帶來全新演繹，完美結合Shake Shack經典鮮製朱古力雪糕、Cookie DPT由法芙娜可可、黑朱古力和半甜朱古力片製成特濃朱古力曲奇，黑朱古力塊和朱古力醬，再撒上可可粉作點綴，配搭出充滿層次感濃郁幼滑口味。
#shakeshackhongkong
