早前開幕、位於東京新宿、樓高48層嘅東急歌舞伎町TOWER（Tokyu Kabukicho Tower），與哥斯拉為鄰，集合橫町美食、劇場、戲院、酒店、健身中心、藝術作品展示等複合式設施，締造日本娛樂發信地！當中地下1樓至地下4樓成為新宿地區最大嘅展演空間，容納近1,500位觀眾進場，3樓設有大型遊樂中心「namco TOKYO」，於反照歌舞伎町風格嘅霓虹燈裝飾下，可以大玩夾公仔機、扭蛋機等；4樓THE TOKYO MATRIX大型地下城攻略體驗設施，玩家透過設備與道具，親身體驗知名動漫「刀劍神域」嘅世界；6至8樓劇場「THEATER MILANO-Za」共有約900席，主要演出演劇、音樂劇、電影等；至於9至10樓109 CINEMAS PREMIUM，作為電影院「109 CINEMAS」嘅全新品牌，共有8個廳，其中第3廳為杜比環繞音效，第六廳則裝設「Screen X」螢幕，除正面外左右兩側也有延伸螢幕，視野約270度。電影院全席皆為豪華座椅，而且導入由坂本龍一先生所兼修嘅音響系統「SAION-SR EDTION-」，帶來最頂級電影享受。即日起至5月16日更放映Ryuichi Sakamoto Premium Collection，以紀念呢位音樂大師。18樓以上進駐兩家酒店「BELLUSTAR TOKYO」及「HOTEL GROOVE SHINJUKU」，可以盡覽東京夜色美景！
