「重拾」將會係往後呢段日子嘅命題，重新上路外遊之外，本地項目亦逐漸遞增，當中因為Lady M新店開張，而再度踏足久違、重新出發嘅銅鑼灣世貿中心；空間感，相信係今回新店最大亮點之一，係暫時最多座位嘅店舖，寛敞舒適，最啱如《Emily in Paris》般與閨蜜聚首、「打卡」，其中盛載Lady M招牌白色雲石紋牆身及深灰色調座椅，一幅呈橢圓環狀透視主題牆帶點未來科幻觀感，眼前一亮！
新店開幕當然推出限定新品，憑藉其中一款最受歡迎嘅蛋糕為靈感，以士多啤梨果蓉及牛奶製作出期間限定法式士多啤梨千層酥特飲，品嘗放於杯面具搶眼度嘅鬆脆千層酥及新鮮士多啤梨之後，再細味口感輕盈幼滑奶油及士多啤梨醬，清新滿足，特飲即日起至明年2月28日只於世貿中心分店獨家發售，留意！
另一系列新品更包括雲呢拿脆卷禮盒及朱古力脆卷禮盒，簡約設計包裝，節日禮物之選！
Lady M 香港
銅鑼灣世界貿易中心L2-08 & L2-19號舖
2861 1866
