聖誕節絕對係一個滿載甜蜜度嘅節日，親朋好友另一半難得（仍有機會）親身相聚一刻，正如電影《The Fabelmans》一家人齊齊整整，好應該盡情分享彼此共聚甜蜜時光！而當文歷餅店 by DOMINIQUE ANSEL於香港推出嘅一系列冬季節日限定產品就係優質心水推介，首選當然係節日限定星星栗子樹幹蛋糕，流露濃郁節日氣氛＋飽嘗實在感，其他蛋糕之選更包括冬日士多啤梨樹幹蛋糕、小熊餅－榛子朱古力蛋糕，可愛度滿滿！
至於每日新鮮製作嘅雲呢拿蘋果甜酥、杏仁牛角包配朱古力薑餅人曲奇，就注入咗聖誕元素嘅經典法式甜酥包，「甜牙齒」人士還未滿足？首度推出嘅士多啤梨脆片球、又或法式甜點禮盒、焦糖朱古力脆米都係甜入心嘅節日限定新品，So Sweet！
