唔急，唔急，真係唔急，身邊差唔多所有人去晒外地（當然好大部分去日本啦）旅遊，（唯有）同自己講：好怕迫人、機票好貴呀，所以今年決定留港消費，但另一方面又好掛住「嗰度」，而「輝HIKA」廚師發辦京都聖誕大餐相信可以一解相思！
主廚輝師傅於東京學藝八載之餘，亦深得京都風之奧義：不崇尚賣弄花巧，推崇真確純淨口感；九道菜當中先來一客北海道鱈魚白子及仙鳳指（或岩手赤崎）生蠔（男士補身）＋漬物冷鮑魚配布袋豆腐冷盤之後，奉上因應新鮮食材而定嘅刺身5點，如香葱鮟鱇魚肝 / 合時秋刀魚 / 山藥吞拿魚 /爽口八爪魚 / 象拔蚌 / 深海池魚等，直送豐美滿足之感；其後以日式豆腐乾配鮮烤法國鵝肝、澳洲羊架，呷一口羽自慢50純米大吟醸，出奇制勝衍生化學作用，中和羊脂羶香與豐美鵝油，享樂平衡之道；期間魚湯煮伊勢海老清一清味蕾，再以清酒伴嚐杏仁燒金目鯛，恰到好處；滿載帆立貝與松葉蟹肉茶碗蒸出場，滋養暖胃窩心；進入尾段，炙烤鹿兒島A5和牛壽司＋九州有明海苔配以北海道馬糞海膽迷你丼，合上眼慢慢細味那股日本海風味；臨別前，一盞京都香茶，一件自家製南瓜蓉丸子紅荳豆腐雪糕，餘韻嫋嫋！
（留意：12月20日前預訂，可獲贈「羽自慢50純米大吟醸」(300ml)一瓶。25日聖誕夜光臨，更送上夢幻清酒之王「十四代」一杯）
「輝HIKA」
銅鑼灣渣甸街66號亨環3樓
3621 0113
