根本沒必要像《Drink Masters》那樣比試，才能展現出硬 / 軟實力，真正賽道裡最貼近自己嘅挑戰者始終都係自己，而已；隱世高手大隱隱於市不張揚地追求造詣更高境界，好似位於中環九如坊嘅日式炭火燒鳥專門店「鳥世一 Tori Yoichi」入面，大廚森分秀樹先生主理炭火燒烤廚藝就係一個絕活例子！於大阪著名料理學校接受訓練、擁有30多年廚藝嘅森分秀樹先生，專長於日本割烹（日本高級料理）及日本創作料理，曾任職於多間日本知名餐廳，其後曾於2016年遠赴日本駐海外大使館工作及香港工作，善長利用當地食材作出變化；2019年在曾於高級日本大阪過江龍串燒名店「燒鳥 YAMATO」學藝深造。
鳥世一店內面積不大，只有10多個座位，而正中佇立一個以玻璃分隔開嘅炭火烤爐，食客可以好親密近距離觀賞森分秀樹大師廚藝、展現備長炭火燒鳥嘅嶄新體驗之餘，身上面亦唔會留有一股炭燒味。鳥世一提供多個特色燒鳥部份，包括雞心、雞皮、雞冠、雞翼、雞腎、雞肝、雞腿、 還有更多刁鑽部份如雞橫隔膜、雞食道、雞提燈、雞掌肉、雞頸皮、雞皮胸，甚至雞腿根以至雞甲狀腺等，大師由切雞、改雞、串雞、燒雞每個步驟均一絲不苟，對於雞嘅唔同部位各有特色及處理方法，加上採用經過1200度高溫燒製超過一星期碳化而成、可以將鳥類本身自帶腥臭味辟走嘅日本備長炭，於高溫炭火度高達300-400度炭火底下，完美鎖住雞嘅肉汁，達至表脆肉滑效果，更賦予烤肉香氣及淡淡炭香味！當中又以雞腎千層為重點招牌推介，將雞皮燒到好似薯片咁薄脆，包住當中嘅嫩滑雞肉、惹味雞腎及韭菜，緊記要一口咬落去，蘊藏嘅肉汁＋富層次感嘅香味一次過發放放射出嚟！
鳥世一 Tori Yoichi
中環九如坊威靈頓街174-178號地下C2號舖
5319 2678
21:11:48