又係另一個悶熱嘅下午。掛住另一個熱辣辣城市，當然，就以美食去解一解呢種「鄉愁」，被泰國旅遊局組織「Thai Select」認可、1999年開業嘅泰國餐廳Café Siam相信係好多人嘅指定飯堂，早前更另增設鰂魚涌新店，為港島區另一方提供正宗泰國依善美食！
主廚Chef Johnny（Wongsrithat yongyut）於鄰近老撾嘅泰國東北依善（Isan）地區長大，自幼就向祖母學習正宗泰國依善菜烹飪技巧，煮出一手正宗依善菜式，深受當地大自然環境影響，最喜愛以香料入饌，風味特別濃郁。另外撇除大量香草及新鮮原材料，Chef Johnny最愛使用一種傳統泰國調味料pla ra，由水煮魚與烤米粉和鹽發酵而成，然後於一個封閉容器中進一步發酵至少6個月，呢種昔日依善原住民喺炎熱天氣下保存魚肉嘅方法，正正成為Café Siam菜式充滿鮮味嘅主軸關鍵。
由Chef Johnny構思嘅餐牌料理，選用泰國地道香料及優質食材，炮製出別具特色招牌菜，包括依善菜必試嘅清新香濃肉碎生菜包、傳統炭火爐烤製而成嘅炭燒串燒（蒜香芫茜咖哩雞肉串、泰式蜜汁豬肉串）、濃濃牛肉味嘅辣燒牛扒沙律、比想像中辛辣嘅青木瓜沙律，主菜方面，備有大大隻虎蝦、由原個椰青盛載嘅椰汁焗飯、以黃咖哩及泰式香料醃製嘅三黃雞，盡情享受泰國地道風味；至於小編自己私心推介可另加（限量供應）椰子雪糕嘅芒果糯米飯，煙煙韌韌軟軟綿綿，嗜甜品人士必食之作！
Café Siam
鰂魚涌華蘭路12A-12H號地下8-9A舖
6469 0760
#cafesiam #thaifood #鰂魚涌美食 #太古美食
