一而再溫習關於重生與否極泰來嘅故事，名字於義大利文解作「親吻」嘅意大利餐廳及酒吧BACI最近亦重新上路推出嶄新菜單，全天候賦予地道意大利風味美食，當然，慕名而來而名不虛傳嘅，絕對係餐廳於極具影響力意大利50 Top Pizza舉辦、由匿名食客評審世界各地薄餅店嘅本年度「亞太區50大薄餅大賽（50 Top Pizza Asia Pacific 2022）」中獲得全港第2名及亞太地區第12名國際殊榮，憑藉呢個世界各地頂尖薄餅指標，完全彰顯出BACI從餅皮麵團到食材選擇嘅一絲不苟，行政總廚Alessandro Persico將家鄉嘅味道，以最地道融合創新方式＋餐廳內兩個薄餅焗爐，製作出多款薄餅選擇，當中招牌Pizza BACI，靈感源自總廚Alessandro家鄉、意大利經典醬料，松子青醬（Pesto）起源地：利古里亞，薄餅批身灑上意大利Crescenza芝士、Taggiasca橄欖、羅勒香蒜醬、黑蒜、車厘茄及酥脆翠玉瓜，傳遞出最正宗意大利風味；至於其他Pizza推介，包括BACI特色薄餅Testarossa、瑪格麗特薄餅Margherita、意大利肉腸薄餅A’Sarciccia，無論傳統或現代口味都一應俱全。別忘了BACI嘅意大利麵，其中以紅蝦、奶油龍蝦濃湯及格拉巴酒（Grappa）配上天使麵嘅Angeli di Mare pasta，格拉巴酒為奶油濃湯增添微妙甜味，濃稠與細膩入味度取得相當好嘅平衡，盡顯意式風情創意功架，令人動容，甚至流淚！
BACI
中環蘭桂坊德己立街30-32號新加州大厦地下
2344 0005
