Kanye West近日與女友Chaney Jones遊日之際，到東京和藤原浩聚一聚，而佢嘅YEEZY GAP ENGINEERED BY BALENCIAGA於FOX電視台播放新廣告（用咗Ye MV〈Life Of The Party〉，將舊相入面嘅Ye轉做全部著YEEZY GAP ENGINEERED BY BALENCIAGA新衫，而且口郁郁！另外，亦可以作為母親節對媽媽Donda West嘅一種懷想、致意！），預告全新系列將於5月25日 yeezygap.com, farfetch.com, mytheresa.com & luisaviaroma.com 釋出！
另外，Kendrick Lamar令人期待、相隔5年推出嘅新歌〈The Heart Part 5〉終於面世，Samples取自Marvin Gaye〈I Want You〉，至於由Kendrick與Dave Free（二人創立pgLang多媒體製作公司）執導嘅MV，Kendrick會化身成Ye、Will Smith、Kobe Bryant、O. J. Simpson、Nipsey Hussle、Jussie Smollett等人！採用Deepfake換臉技術（由《South Park》兩位原創人Matt Stone & Trey Parker所開設、專營Deepfake技術嘅公司DEEP VOODOO負責） （其後Kendrick / pgLang將會與Matt Stone & Trey Parker合作真人版喜劇，期待！），讓人諗起Michael Jackson〈Black Or White〉經典MV，Dope！
Kendrick於TDE（Top Dawg Entertainment）廠牌嘅最後一張新專輯《Mr. Morale & The Big Steppers》（Double album！）正式登場！（其後，就會係純pgLang出品，而pgLang x Converse聯名系列亦大受注目！）
