韓國過江龍「百味堂」，登陸香港之後一年開幾間舖，出出下雪糕，今年中秋踩過界，首度限量推出「軟心忌廉奶皇月餅」，又會唔會大排長龍呢？
全新推出嘅「百味堂月餅禮盒」，每盒有6個獨立包裝嘅迷你軟心忌廉奶皇月餅，香港新鮮手製，工序繁多，所以限量推出600盒。餅皮壓上代表品牌嘅「百」字，酥皮色澤金黃，甘香鬆化，奶黃特別加入韓國直送嘅忌廉炮製，比一般奶黃餡多一份奶香，味道層次分明。建議稍稍焗熱即食，牛油香更突出。
包裝方面，月餅禮盒用櫻桃木色木盒配上輕淡雲石紋紙盒，仲有皮革繩結，加埋工匠即席烙上「百」字或「百味堂」火漆蓋印，唔錯唔錯。提早預購仲有折扣優惠，600盒好快賣晒架！
「百味堂軟心忌廉奶皇月餅禮盒」將於8月1日起正式發售，每盒售價為港幣$498；於8月31日或之前訂購可享85折優惠。顧客可親臨百味堂K11店、海港城店或希慎廣場期間限定店購買月餅禮券。
