為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit

爭咩丫?七人欖球溝埋做雞蛋仔呀,笨!

西班牙黑毛豬芝士雞蛋仔 ($90)

蘿蔔糕鹹雞蛋仔 ($90) & 熱薑奶茶 ($20)

    

究竟兩樣溝埋係咩玩法?又原來,雞蛋仔都有藝術節?冇錯!今年已經唔係第一年,上年都搞過一次,今年由利園舉行嘅「雞蛋仔藝術」,仲溝埋七人欖球變為升級版做大型市集。會場內各式攤位有好多期間限定嘅雞蛋仔,包括媽咪雞蛋仔、恆發雞蛋仔、摩芽雞蛋仔、滿屋雞蛋仔、Ice Puff、森SumoreBB雞蛋仔、甜甜味x嘉嘉餅店。

星夜奶黃雞蛋仔 ($30)

滿屋雞蛋仔Fullhouse Egglet    「雞蛋仔藝術節.七人欖球升級版」期間限定

      

另一方面,首次參與嘅「茶作tea-ed TEA」,更加會為大家帶來濃香鐵觀音、大紅袍同玫瑰花茶三款全新口味嘅茶香雪糕雞蛋仔;家香就會送上秘製沖泡嘅手拉絲襪奶茶。同時令人食過返尋味嘅法式星級餐廳Seasons,派出新任總廚Lorenz Hoja為活動特別創作新派法式雞蛋仔等等。

菠蘿包雞蛋仔 ($30)

法國Valrhona朱古力雞蛋仔五重奏 ($90)

      

適逢香港國際七人欖球賽就嚟舉行,飲食文化策展人葉子騫主理嘅工作坊加入七人欖球造型雞蛋仔元素,利用欖球模具同公眾一齊炮製自己專屬嘅雞蛋仔。同場仲有名廚Jacky Yu、金茶王陳子平師傅,親臨現場做廚藝示範同教授港式奶茶沖製過程同技巧;本地著名環保設計團隊KaCaMa Design Lab又會設計環保雞蛋仔外形巨型裝置藝術「四圍雞蛋仔」,配合場內音樂表演同插畫家手作精品攤位等等,七人欖球溝埋做雞蛋仔,真係一啲都唔笨呀!笨蕉!

棉花糖層層疊 ($30 Regular  $60 Jumbo)

隔熱墊(大) ($150)

    

【雞蛋仔藝術節.七人欖球升級版】

日期:330日至42日(星期五至星期一)

時間:上午11時至下午7

地點:銅鑼灣利園一期私家路(希慎道33

費用:全免